column
Comment 1

Fan Service: Lai (An Id Signal)

Absurd Creation – Fan Service,每月我們會特約一些音樂人,由他們分享一些他們覺得有趣的事,如音樂作品、日常照片丶活動感想等等。希望透過此專欄拉近音樂人和聽眾的距離,以回饋讀者。

Lai – 本地獨立音樂界的傳奇人物梁穎禮,意色樓及蹙的主唱。據聞意色樓正在全力錄製最新的專輯,但跟從以往經驗,相信離新碟面世還有一段漫長的等待。阿禮目前除樂隊事務外,亦貫徹其無政府傾向的風格,DIY地在場景中籌劃包括演出、抗爭等各類活動。


(全文為響應作者的粵語雷鬼說法,並未作書面語翻譯)

如果我哋身處嘅世界比現在理想, 雷鬼歌手阿鼠嘅新歌一出,就應該直接打入流行榜前列, Rastafari 亦應該係一個比現在普及嘅教派。港人非常受落日本及南韓嘅飲飲食食等消費文化,而音樂方面,兩地嘅主流至地下,雷鬼 reggae 已經有穩定的發展,市場亦充斥紅黃綠旗設計產物,不過本地 Rasta 並未有受惠於潮流得漁人之利駛往大直路,原因可能係本地人對發展中嘅在地文化與世界信息合成過程和確立著基礎的產出(如音樂作品丶現場演出)都不夠重視,或繼續後知後覺。

喺 reggae 獨有嘅 vocal line 上填粵語詞並唔係普通填充啱音咁簡單。Rasta、雷鬼音樂本來就有清晰嘅意識形態,世界有不少關於雷鬼嘅歷史俾我哋知道, 戰爭中嘅愛、和平丶帝國嘅侵略丶紅黃綠旗中黃色代表被掠奪嘅黃金、巴比倫嘅遺害、種族迫害等;透過世世代代雷鬼歌手唱出正史刻意忽略嘅民間實況、信仰力量嘅支持及抗爭方法與保持「真」的美學。香港歷史固然短,近代史更常被遺忘, 阿鼠對 Jah 嘅虔誠, 喺90年代已經開始。Ice Stone 2、Crazy Lion、Sensi Lion再到 solo 化身 MouseFX ,將近20個年頭於巴比倫到處點火,今後雷鬼新血必與阿鼠與歷代團員嘅建立有關。

用十年時間將建築時代嘅 dj丶mc丶製作人聯結,然後透過 party丶文字丶Poster 介紹香港及其他華人社區,身水身汗衝撞番來嘅本地聲音系統 Heavy Hongkong,與阿鼠來一個必然嘅跨世代相遇。在 Party 文化落後於其他大城市及東南亞區嘅香港,像D’n’B、Jungle、Reggae party 到今日還是像神祕活動,阿鼠叔叔已然以 MC 及歌手身份喺生態之中活躍多年,自然俐落帶動氣氛加上高度穩定又不失隨性嘅現埸演出,行動範圍甚至不限於香港。派對唱歌丶樂隊與街頭嘅演出,大概各佔阿鼠嘅行動三分之一。粵語配合雷鬼標誌反拍嘅純熟運用,加上靈感湧現密度,產出新作嘅活力,係無得扮聽唔到睇唔到的紅黃綠光線。

mouseep

將於年底推出的MouseFX首張EP封面

我與阿鼠最近傾偈就係講起我哋身處喺巴比倫核心城市之苦,雷鬼喺香港應該比現在普及化更多,起碼係值得更多人知道嘅文化(並唔係聽下歌抽大麻咁簡單),並因此走在一起相愛和抗爭,於這時代的巴比倫裏面。

mouse

相攝於十月三十晚,上海街公園唱歌。

繼夏天發佈與黎輝 (aka Blood Dunza@HEAVY HK) 合作嘅單曲Rewind,今年十一月頭再為本地雷鬼歷史添一個MV – 俾啲反應,合作夥伴係英國雷鬼音樂製作人 Jstar,歌曲收錄於流通世界嘅一張雷鬼合輯,工廈九樓嘅黃荻係MV Producer。「俾啲反應」比起阿鼠其他作品,明顯摸索入屋方法,甚至企圖拉闊canto-pop的光譜。

俾啲反應MV

「巴比倫巨塔倒下前可以做啲乜嘢?」佔領彌敦道時黎輝問。望下周圍然後自己話:都係要再多啲人出嚟玩。當晚阿鼠喺彌敦道唱歌,黎輝按鍵放音樂,而德昌里街坊則出音響。抗爭時嘅音樂,有多種層次感受,播著失控配街頭抗爭影片(例如初一),會發現一些感受闊度延展,因節奏帶動的思考,靜化出某些更真實的原因,歌聲力度兼具保佑和打氣。


除了阿鼠的solo身份MouseFX的演出外,亦不妨重溫一下阿鼠叔叔過往在兩隊Reggae樂隊中的演出。

源頭 @ 搖滾不容殺人政權音樂會

 

2009年 Crazy Lion MV – 她


Photo credit: Dennis Wong
Written by: Lai
Edited by: Margarita@Absurd Creation

廣告
This entry was posted in: column

1 則迴響

  1. 引用通告: Fan Service: Lai (An Id Signal) – Namiji 波寺

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s