column, featured, Review, Track
發表迴響

Track Review: Creep | Radiohead | Cover – CoverDog ft. 張凱娸 Kiki Cheung

(撰文:忌廉小町劏)


嚴格嚟講,呢個唔係track review,我純粹係嚟發洩下我嘅怨恨。呢排好多咩香港音樂、852 music浦頭。好似忽然間,香港呢個腐爛到頂嘅城市,無端端又生返啲文化氣息咁。咁都fine嘅,我唔打開啲link,唔聽唔睇無事咖。

哈衰在有啲人可能特別有水,曉課金啦課到成個IG都係,避都避唔到啊大佬。我平日為人和善同唔鍾意嘈,所以都選擇忍,最多事後播返兩首自己鍾意嘅,開心下算。

但好衰唔衰,今日返工忙完,又感冒。躁躁地之際,聽到IG廣告碌到首咁撚樣嘅野。我屌你老味,真係火都嚟。

就咁嘅,事緣有個叫coverdog嘅Channel,就出左條片,係拍一條女翻唱英國樂隊Radiohead嘅早期作品〈Creep〉。呢首曾經係樂隊禁忌之歌,玩live九成唔會玩,之不過前幾年新碟巡演果陣,唔知係咪年紀大左放得開,定眼癱佬受唔住觀眾挑機,總知就突然就唱左,仲成個tour玩左好幾鑊,仲唱埋因果警察果啲。(事後孔明:其實果個挑機fans可能夾埋,本身就係大型宣傳campaign一部份!!)

咁anyway,唧係我平日都無話好熱愛啊眼癱佬Thom Yorke啲嘢,但Radiohead啊冚世界人都追捧嘅收音機頭啊,都叫做世界級大band,你老味你cover人地都俾小小心機丫。搵個女演員返嚟唱,okay fine,但搵個識唱咖,好嘛!?由頭到尾,吟吟沉沉以為自己唱得性感,死氣沉沉同悶就有份,建議autotune下啲人聲先出街。

唔想理你拍到又紅又綠又WKW又雲長咁,係啲咩美唔美學,但作為一個cover,你條女唱功唔賣得已經死一截。你嗰啲懶係drag懶係jazzy慢幾拍嘅編曲真係好趕客,硬生生拆散咗成首最好聽(唯一好聽)嘅結他riff,塞咗啲似是而非嘅鋼片琴聲、電波聲(喂唔好你錄到鬼片咁聲就真係好freaky)。如果你真係想扮radiohead果啲CLS shit,不妨幫條女把聲扭大啲個distortion,再將結他推大少少落啲fuzz,我會覺得似啲同pleasing啲㗎,真心。

最後都係果啲行野啦,女演員唱歌之前,考慮下自己係咪真有料,唔係chok兩下送氣聲你就忽然變9m88。人哋有係美國讀Jazz咖,三思左你先而後行吧,👌?

P.S. 呢個只係小發洩嘅一部份,未來想發洩更多同怒戰全球,大家可以繼續等我🥰

Rate: 0.003/5

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.